...

Türkiyədə narkotik asılılığı olan 48 mindən çox yeniyetmə var

Cəmiyyət Materials 1 Oktyabr 2014 15:44 (UTC +04:00)
Hazırda Türkiyədə 48 374 yeniyetmənin narkotik asılılığı var. Trend-in "Sabah" qəzetinə istinadən verdiyi məlumata görə, bu barədə Türkiyə Statistika İnstitutunun hesabatında deyilir.
Türkiyədə narkotik asılılığı olan 48 mindən çox yeniyetmə var

Azərbaycan, Bakı, 1 oktyabr /Trend, müxbir Rufiz Hafizoğlu/

Hazırda Türkiyədə 48 374 yeniyetmənin narkotik asılılığı var. Trend-in "Sabah" qəzetinə istinadən verdiyi məlumata görə, bu barədə Türkiyə Statistika İnstitutunun hesabatında deyilir.

Hesabata əsasən, Türkiyədə yeniyetmələr arasında ən geniş yayılmış narkotik vasitə "bonzai" adlı narkotikdir.

Türkiyədə 15-24 yaş arası narkotik istifadəçiləri ölkə əhalisinin 2,9 faizini, 25-44 yaş - 2,8 faizini, 45-64 yaş isə 2,3 faizini təşkil edir.

2013-cü ildə Türkiyədə 5214 nəfər narkotik asılılığından müalicə olunub. Ölkədə narkotiklərdən müalicə üzrə 22 mərkəz var.

Məlumata əsasən, Türkiyədə həbs olunanların 18 faizi narkotik maddə alverçisidir ki, onların da sayı 23 738 nəfər təşkil edir.

Son 4 ildə İstanbulda narkotik vasitələrin istifadəsinə və satışına görə 316 466 nəfər saxlanılıb.

Son illərdə Türkiyə narkomaniyaya qarşı mübarizəni sərtləşdirib. Ölkənin səhiyyə naziri Mehmet Müəzzinoğlu bəyan edib ki, psixotrop preparatların reseptsiz satışı qadağan olunacaq və bu, narkomaniyaya qarşı mübarizə çərçivəsində edilir.

Türkiyənin Baş naziri Əhməd Davudoğlu isə bəyan etmişdi ki, narkotik alverçiləri ölkədə terrorçulara bərabər tutulacaq.

Məqalədə:
Xəbər lenti

Xəbər lenti