...

Dövlət Komitəsi məcburi köçkünlərə xəbərdarlıq edib

Cəmiyyət Materials 19 Noyabr 2015 10:09 (UTC +04:00)
Qaçqın və Məcburi Köçkünlərin İşləri üzrə Dövlət Komitəsi (QMKİDK) məcburi köçkünlərə xəbərdarlıq edib.
Dövlət Komitəsi məcburi köçkünlərə xəbərdarlıq edib

Trend-i buradan izləyin

Bakı. Elçin Mehdiyev - Trend:

Qaçqın və Məcburi Köçkünlərin İşləri üzrə Dövlət Komitəsi məcburi köçkünlərə xəbərdarlıq edib.

Trend-in Dövlətqaçqınkomun mətbuat xidmətinə istinadən verdiyi məlumata görə, Komitə bildirir ki, dünyanın bütün münaqişə zonalarında olan qaçqın və məcburi köçkünlərdən fərqli olaraq Azərbaycanda bu kateqoriyadan olan insanlara Prezident İlham Əliyev tərəfindən daima yüksək diqqət və qayğı göstərilir.

Komitənin məlumatında qeyd olunur ki, təəssüflər olsun ki, bəzi məcburi köçkünlər bu cür diqqət və qayğıdan sui-istifadə edirlər: "Xüsusən, belə hallar yeni salınmış qəsəbələrə köçürülmə zamanı daha çox özünü göstərir. Belə ki, bəzi məcburi köçkünlər əvvəllər köçürmə obyektlərində yaşadıqlarını və orada müvəqqəti qeydiyyatda olduqlarını bəhanə edərək, yuxarı instansiyalara mütəmadi müraciət edərək onlara yeni mənzillərin verilməsini təkidlə tələb ediblər. Lakin bir müddət keçdikdən sonra onların həmin mənzillərdən istifadə etmədikləri, mənzillərin boş qaldığı müəyyən edilib. Dəfələrlə xəbərdarlıq edilməsinə baxmayaraq, həmin məcburi köçkünlər mənzilləri geri təhvil vermir, yaxud istifadəni təmin etmirlər".

Dövlətqaçqınkom bu qəbildən olan məcburi köçkünlərə bir daha xəbərdarlıq edir ki, 10 gün müddətində həmin mənzillərdə yaşayışı təmin etməsələr və yaxud təhvil verməsələr, onlara yemək xərci müavinətləri, kommunal xidmətlərə (elektrik enerjisi, qaz, su) görə ödənişlər müvəqqəti dayandırılacaq və mənzillərdə yaşayış bərpa edildikdən və ya təhvil verildikdən sonra ödənişlər bərpa ediləcəkdir.

Məqalədə:
Xəbər lenti

Xəbər lenti