Bakı. İlhamə İsabalayeva - Trend:
Dini Qurumlarla İş üzrə Dövlət Komitəsi İraqda olan azərbaycanlı uşaqların geri qaytarılması məsələsini diqqətdə saxlayır.
Trend-in məlumatına görə, bunu jurnalistlərə Dini Qurumlarla İş üzrə Dövlət Komitəsinin sədri Mübariz Qurbanlı deyib.
Onun sözlərinə görə, orada olan Azərbaycan vətəndaşlarının taleyi müvafiq qurumların tam diqqətindədir:
"Bununla bağlı tədbirlər görülür. Azərbaycanın müvafiq qurumları tərəfindən İraqda olan uşaqların Azərbaycana gətirilməsi istiqamətində işlər aparılır. Artıq uşaqların bəziləri gətirilib. Bu proses davam edir".