...

Dövlət Məşğulluq Xidmətinin zona müşavirəsi keçirilib

Cəmiyyət Materials 1 Oktyabr 2019 14:17 (UTC +04:00)
Əmək və Əhalinin Sosial Müdafiəsi Nazirliyi yanında Dövlət Məşğulluq Xidməti tərəfindən Göyçay Dövlət Regional Peşə Təhsili Mərkəzində zona müşavirəsi keçirilib.
Dövlət Məşğulluq Xidmətinin zona müşavirəsi keçirilib

Trend-i buradan izləyin

Bakı. Trend:

Əmək və Əhalinin Sosial Müdafiəsi Nazirliyi yanında Dövlət Məşğulluq Xidməti tərəfindən Göyçay Dövlət Regional Peşə Təhsili Mərkəzində zona müşavirəsi keçirilib.

Nazirlikdən Trend-ə verilən məlumata görə, müşavirədə Dövlət Məşğulluq Xidmətinin nümayəndələri və 34 rayonun məşğulluq mərkəzlərinin direktorları iştirak edib.

Müşavirə məşğulluğa dair yeni qəbul olunmuş normativ-hüquqi sənədlərin icrası, işsiz və işaxtaran şəxslərin aktiv məşğulluq tədbirlərinə cəlb olunması sahəsində görülən işlərin gücləndirilməsi, sığorta ödənişlərinin təyin edilməsi, fərdi məşğulluq proqramlarının tərtib olunması və Məşğulluq Altsisteminin (MAS) fəaliyyəti ilə əlaqədar şəhər, rayon Məşğulluq Mərkəzlərinin direktorlarına zəruri metodiki tövsiyələrin verilməsi məqsədilə keçirilib.

Müşavirədə peşə hazırlığı kurslarının təşkili sahəsində Heydər Əliyev Mərkəzləri, Gənclər Evi/Gənclər Mərkəzləri ilə əməkdaşlıq edilməsi, həmçinin peşəyönümü işinin səmərəliliyinin artırılması və bu sahədə təhsil şöbələri və orta ümumtəhsil məktəbləri ilə əməkdaşlıq imkanlarının genişləndirilməsi kimi məsələlər müzakirə edilib.

Məşğulluq Altsisteminin (MAS) fəaliyyəti barədə təqdimatlar edilib.

Məqalədə:
Xəbər lenti

Xəbər lenti