...

İlahiyyat İnstitutunda onlayn ingilis dili kurslarına start verilib (FOTO)

Cəmiyyət Materials 24 Noyabr 2020 14:33 (UTC +04:00)
İlahiyyat İnstitutunda onlayn ingilis dili kurslarına start verilib (FOTO)

Bakı. Trend:

Azərbaycan İlahiyyat İnstitutunda (Aİİ) onlayn formada ingilis dili kurslarına start verilib.

Aİİ-dən Trend-ə verilən məlumata görə, Beynəlxalq Miqrasiya Təşkilatı (BMqT) tərəfindən təşkil olunan ingilis dili kursunda ali təhsil müəssisəsində təhsil alan tələbələr pulsuz iştirak edirlər. Kursların təşkilində məqsəd tələbələrin həm akademik, həm də şəxsi inkişafına töhfə verməkdir.

Layihə çərçivəsində tələbələrin ingilis dili üzrə 4 dil bacarığının artırılması yönündə dərslər keçirilir.

Qeyd edək ki, Azərbaycan İlahiyyat İnstitutunda tələbələrin sahib olacaqları ixtisası daha dərindən bilmək, onun sirlərinə yiyələnmək üçün bir neçə ay əvvəl onlayn İslam əqaidi üzrə ərəbcə klassik dini mətnləri oxuma kursu fəaliyyətə başlayıb. Eyni zamanda, pandemiya dövründə tələbələr üçün motivasiya xarakterli təlimlərin, yarış və müsabiqələrin, həmçinin ixtisasyönümlü onlayn kursların təşkili nəzərdə tutulub.

Məqalədə:
Xəbər lenti

Xəbər lenti