Bakı. Trend:
Bakı-Şamaxı yolunda şagirdlərin yol qəzasına düşməsi ilə bağlı cinayət işi başlanıb.
Trend-in məlumatına görə, faktla bağlı Cinayət Məcəlləsinin 263.1-ci maddəsilə cinayət işi başlanıb. Hazırda cinayət işi ilə bağlı istintaq-əməliyyat tədbirləri davam etdirilir.
Faktı Trend-ə Daxili İşlər Nazirliyindən təsdiqləyiblər.
Xatırladaq ki, iyunun 13-də Bakı-Şamaxı yolunun Qobustan rayonu ərazisindən keçən hissəsində Qəbələ rayonundan istirahətdən gələn şagirdləri daşıyan avtobus qəzaya uğrayıb. Hadisə nəticəsində xəsarət alan 11 nəfər xəstəxanaya qəbul edilib. Xəsarət alanlardan 2 nəfər Bakıdakı xəstəxanalara köçürülüb, digər xəsarət alanlara ilkin tibbi yardım göstərildikdən sonra evə buraxılıb.