...

Nizami rayonunda Məhsəti Gəncəvi küçəsi təmir edilir (FOTO/VİDEO)

Cəmiyyət Materials 10 Avqust 2022 18:17 (UTC +04:00)
Nizami rayonunda Məhsəti Gəncəvi küçəsi təmir edilir (FOTO/VİDEO)

Trend-i buradan izləyin

Bakı. Trend:

Bakının Nizami rayonunda Məhsəti Gəncəvi küçəsi təmir edilir.

“Azərbaycan Avtomobil Yolları” Dövlət Agentliyindən Trend-ə verilən məlumata görə, təmir olunan bu hissənin uzunluğu 420 metr, eni ortalama 8.5 metr təşkil edir.

Aparılan təmir işləri çərçivəsində küçəboyu deformasiyaya uğramış asfalt-beton örtüyü frezlənib, zəruri olan yerlərdə vətəndaşların rahat və təhlükəsiz hərəkətini təmin etmək məqsədilə mövcud piyada səkilərinin bərpa olunması, köhnə səki daşlarının yenilənməsi işləri görülüb.

Hazırda əraziyə yeni asfalt-beton örtüyünün döşənməsi işləri aparılır.

Bu işlərə paralel olaraq yeraltı kommunikasiya xətlərinin yeni baxış qapaqlarının və yağış barmaqlıqlarının bərpası da nəzərdə tutulur.

Sonuncu mərhələdə küçə üfüqi nişanlanma xətləri, piyada zolaqları ilə təmin olunaraq müasir görkəmdə vətəndaşların istifadəsinə veriləcək.

Qeyd edək ki,cari ilin “İnvestisiya Proqramı”na uyğun olaraq, rayon üzrə təmirə ehtiyacı olan və ümumi uzunluğu 6.25 km təşkil edən 9 küçə təmir edilir.

Agentlik tərəfindən 2021-ci ildə Nizami rayonu ərazisində ümumi uzunluğu 5.5 km təşkil edən 7 küçə təmir edilib.

Məqalədə:
Xəbər lenti

Xəbər lenti