Bakı. Trend:
Azərbaycan Yazıçılar Birliyinin (AYB) XIII qurultayı keçirilir.
Trend-in məlumatına görə, əvvəlcə qurultay iştirakçıları Fəxri və Şəhidlər xiyabanını ziyarət ediblər.
Sonra qurultay Azərbaycan Dövlət Akademik Milli Dram Teatrında öz işinə başlayıb.
Azərbaycan Yazıçılar Birliyinin dəvəti ilə qurultayda xarici qonaqlar da iştirak edir.
Qurultayda qurumun sədri vəzifəsinə seçki keçiriləcək. Birliyin hazırkı sədri Xalq yazıçısı Anardır.