Bakı. Trend:
Şagirdin qırmızı attestat alması üçün buraxılış imtahanlarında yüksək qiymət almalıdır.
Trend-in məlumatına görə, bu barədə Elm və Təhsil Nazirliyinin Ümumi və məktəbəqədər təhsilin təşkili və idarə olunması şöbəsinin müdiri Elnur Əliyev 2022-2023-cü tədris ilinin yekunları, növbəti tədris ili üzrə gözləntilər və digər məsələlərlə bağlı media nümayəndələri ilə keçirilən görüşdə deyib.
“Buraxılış imtahanından zəif nəticə göstərən şagirdin qırmızı attestat alması halı mümkün deyil”,- deyə o əlavə edib.
Qeyd edək ki, Milli Məclisin Elm və Təhsil Komitəsinin üzvü, millət vəkili Etibar Əliyev qeyd edib ki, 2022-ci ildə məktəbləri qırmızı attestatla bitirən şagirdlərin bir qisminin imtahan nəticələri 0-200 bal arasında olub.