...

Ana südü ilə qidalanan körpələrin sayında ciddi azalma var - Komitə sədri

Cəmiyyət Materials 27 Fevral 2024 15:52 (UTC +04:00)
Ana südü ilə qidalanan körpələrin sayında ciddi azalma var - Komitə sədri
Elçin Mehdiyev
Elçin Mehdiyev
Bütün xəbərlər

Bakı Trend:

Bu gün ana südü ilə qidalanan körpələrin sayında ciddi azalma var və bu, çox təhlükəli haldır.

Trend xəbər verir ki, bunu Milli Məclisin Səhiyyə komitəsinin sədri Əhliman Əmiraslanov komitənin iclasında deyib.

Komitə sədrinin sözlərinə görə, körpə üçün ana südündən qiymətli heç nə ola bilməz.

“Digər xarici ölkələrdə süni körpə qidasının reklamı qadağandır. Süni qidanın tərkibi nə qədər zəngin olsa, yaxud keyfiyyətli hazırlansa da, heç vaxt ana südünü əvəz edə bilməz. Mənim də hərdən televiziya və mediada, təəssüf ki, gözümə süni qidaların reklamı dəyir. Bununla ciddi mübarizə aparmaq lazımdır. Nəzərə almaq lazımdır ki, bu gün süd vəzi xərçəngi qeydə alınan qadınların çoxu məhz övladına süd verməyən analardır”, - deyə o əlavə edib.

Ə.Əmiraslanov vurğulayıb ki, gənc qadınlar arasında körpəsinə süd verməmək dəb halına düşüb.

“Bu, çox təhlükəli tendensiyadır. Bundan başqa, qeysəriyyə üsulu ilə körpə dünyaya gətirməklə təbii yolla doğuşun sayı da azalıb. Bunu müxtəlif yolla əsaslandırmağa çalışsalar da, inandırıcı görünmür. Həm körpəyə ana südü verməmək, həm də qeysəriyyə əməliyyatı yalnız həkim göstərişi ilə olmalıdır”, - deyə o əlavə edib.

Məqalədə:
Xəbər lenti

Xəbər lenti