Bakı. Trend:
Binaların enerji effektivliyi üzrə pasportlaşdırılmasına dair öhdəlikləri yerinə yetirməyənlər cərimələnəcək.
Trend-in məlumatına görə, bu məsələ Milli Məclisin Hüquq siyasəti və dövlət quruculuğu və Mədəniyyət komitələrinin bugünkü birgə iclasında müzakirə olunan İnzibati Xətalar Məcəlləsində dəyişiklik edilməsi haqqında qanun layihəsində öz əksini tapıb.
Layihəyə əsasən, “Enerji resurslarından səmərəli istifadə və enerji effektivliyi haqqında” Qanuna uyğun olaraq binaların enerji effektivliyi üzrə pasportlaşdırılmasına dair öhdəliklərin yerinə yetirilməməsinə görə fiziki şəxslər 200 manatdan 400 manatadək məbləğdə, vəzifəli şəxslər 1000 manatdan 1 500 manatadək məbləğdə, hüquqi şəxslər 2 500 manatdan 3 min manatadək məbləğdə cərimə ediləcək.