Azərbaycanın təhsil naziri Misir Mərdanov Bakı, Sumqayıt və Abşeron rayonları təhsil şöbəsinin müdirlərinə həmin rayonların ümumtəhsil məktəblərində mövcud problemlərin qısa müddət ərzində aradan qaldırılması ilə bağlı göstəriş verib. AR Təhsil nazirliyində Trend ə bildirilib ki, bu şəhərlərin ümumtəhsil məktəblərinin problemlərinə nazirin Bakı, Sumqayıt və Abşeron rayonları təhsil şöbələrinin müdirləri ilə keçirdiyi müşavirədə baxılıb.
Nazir yuxarı siniflərdə şagirdlərin dərsə davamiyyətinin aşağı səviyyədə olması, nəzarət mexanizminin qeyri-aktiv fəaliyyəti, məktəb direktorları tərəfindən ciddi nöqsanlara yol verilməsi ilə bağlı narazılığını bildirib.Nazirin sözlərinə görə, məhz bu faktlar ictimaiyyətdə haqlı narazılıqlar yaradır. Nazir həm də təhsil şöbəsinin rəhbərlərindən şagirdlərdən fond adı ilə pul yığılmasına yol verilməməsini tələb edib.
Trend-in ən mühüm və maraqlı xəbərlərini "Telegram"da izləyin
.jpg)
