"Ümid edirəm ki, Azərbaycan yığması Ukraynaya qarşı matçda öz xarakterini göstərəcək". Bu barədə Trend ə Azərbaycan komandasının baş məşqçisi Şahin Diniyev fevralın 28-də T.Bəhramov adına respublika stadionunda keçiriləcək yoldaşlıq görüşü ərəfəsində məlumat verib.
"Düşünürəm ki, matç çox maraqlı keçəcək. Mənim Ukrayna yığmasına böyük rəğbətim var və hesab edirəm ki, Oleq Bloxinin komandası Almaniyada keçiriləcək dünya çempionatında favroritlər sırasında olacaq", - deyə məşqçi qeyd edib.
Ş.Diniyev inanır ki, O.Bloxin görüşdə "onun yetirmələrinin alışıb-yanan gözlərini görəcək".