Hirkan meşələrinin YUNESKO-nun ümumdünya mədəni və təbii irsi siyahısına salınması və İçərişəhərin vəziyyəti ilə bağlı məsələlər YUNESKO-nun ümumdünya mədəni və təbii irs komitəsinin bu günlərdə Vilnüsdə keçirilən XXX sessiyasının gündəliyinə daxil edilib. Bu barədə Trend ə Azərbaycanın YUNESKO-dakı nümayəndəliyindən məlumat verilib.
YUNESKO-nun xoşməramlı səfiri, Azərbaycanın birinci xanımı Mehriban Əliyeva sessiya iştirakçılarına təbrik məktubu göndərib və bu məktub sessiyanın açılışında oxunub.
Azərbaycanı sessiyada mədəniyyət və turizm naziri Əbülfəz Qarayevin, Azərbaycanın YUNESKO-dakı nümayəndəsi Eleonora Hüseynova, o cümlədən Ekologiya və Təbii Sərvətlər Nazirliyi nümayəndələrinin daxil olduğu heyət təmsil edir.
Azərbaycanla bağlı məsələ sessiyanın sabahkı proqramına daxil edilib.