2016-cı il olimpiadasını qəbul etmək hüququ uğrunda Çikaqo və ya Los-Ancels Bakının rəqibləri olacaq.
Amerika KİV-lərinə istinadən Trend xəbər verir ki, ABŞ tərəfindən namizədin dəqiq adı aprelin ortalarında məlum olacaq, lakin martın 31-nə qədər ölkə tərəfindən Beynəlxalq Olimpiya Komitəsinə ərizə təqdim edilməlidir. ABŞ ərazisində sonuncu dəfə yay olimpiya oyunları 1996-cı ildə Atlantada keçirilib.
Hazırda Azərbaycan da Olimpiadanı təşkil etmək hüququ uğrunda nüfuzlu müsabiqədə iştirak etmək üçün lazımi sənədləri hazırlayır. Bu hüquq uğrunda yarışa İspaniya da qoşulmaq niyyətindədir.