Azərbaycan,Bakı/müxbir Trend Z.Səfərov/2006-cı ildə Yaponiyada dünya çempionatında beynəlxalq karyerasını başa vurmağı planlaşdırmış voleybol üzrə Azərbaycan yığmasının veteranı İnessa Qorxmaz komandaya qayıdır.
İdmançı sentyabrda Belçikada keçiriləcək lisenziyalı xarakter daşıyan Avropa birinciliyinə hazırlaşacaq. Bununla yanaşı, hazırda İtaliya çempionatında çıxış edən İnessa tərkibdə bu yaxınlarda analıq məzuniyyətinə çıxmış Kseniya Kovalenkonu əvəz edəcək. Komandanın zəif kadr resurslarını nəzərə alaraq onun baş məşqçisi Faiq Qarayev yenə də çiyinlərində böyük beynəlxalq təcrübə olan İ.Qorxmazdan yararlanmağa qərar verib.
Qeyd etmək lazımdır ki, Avropa çemionatının nəticələrinə görə, yarışmanın qalibi avtomatik olaraq Olimpiadaya putyovka əldə edəcək.