Azərbaycan, Bakı, 15 oktyabr /Trend/
Futbol üzrə 2014-cü il dünya çempionatının seçmə mərhələsi çərçivəsində keçiriləcək Rusiya-Azərbaycan matçına 30 min bilet satılıb. Bu barədə Trend bazar ertəsi Rusiya KİV-ə istinadən məlumat verir.
Rusiya yığmasının mətbuat xidmətinin rəhbəri İlya Kazakovun sözlərinə görə, oyunun keçiriləcəyi "Lujniki" stadionunun tribunalarına 50 minə yaxın azarkeş toplaşacaq.
Qeyd edək ki, stadion 85 minə yaxın azarkeş tutumuna malikdir.
Rusiya-Azərbaycan matçı oktyabrın 16-da saat 20:00-da olacaq.