Azərbaycan, Bakı, 24 iyun /Trend, müxbir E.Tanrıverdiyev/
İngiltərənin "Çelsi" klubu Fransanın "Sent Etyen" klubunun mərkəz müdafiəçisi Kurt Zumanın xidmətlərinə maraq göstərir. Bu barədə Trend Rusiya KİV-nə istinadən xəbər verir.
Məlumata görə, London təmsilçisi 18 yaşlı oyunçunun keçidi müqabilində Fransa klubuna 12 milyon avro ödəməyə hazırdır.
Daha əvvəl "Sent Etyen" klubu Zumanı Rusiyanın "Anji" klubuna satmaqdan imtina edib. Mahaçqala təmsilçisi oyunçuya görə 10 milyon avro təklif edirdi.
Əlavə edək ki, Zuma bu mövsüm Fransa çempionatında 18 oyunda meydana çıxıb və 2 qol vurub.