Azərbaycan, Bakı, 5 fevral /Trend, müxbir Məftun Salmanov/
Madrid "Real"ının əsas müdafiəçisi Serxio Ramos ən azı 3 həftə yaşıl meydanlarda olmayacaq. Trend-in cümə axşamı xarici KİV-ə istinadən verdiyi məlumata görə, buna səbəb futbolçunun ölkə çempionatı çərçivəsində "Sevilya" ilə keçirdiyi ev oyununda zədələnməsidir.
28 yaşlı S.Ramos matçın əvvəlində ombasından ciddi zədə alıb. Həmin oyun madridlilərin 2:1 hesablı qələbəsi ilə başa çatıb.
Qeyd edək ki, elə həmin oyunda "Real"ın ayağından zədələnmiş digər futbolçusu Xames Rodriges isə 2 aylıq sıradan çıxıb.