Bakı. Trend:
Ötən həftə sonu Macarıstanın Kişkunfeledxaza şəhərində qadın idman gimnastikası üzrə beynəlxalq turnir baş tutub.
Azərbaycan Gimnastika Federasiyasından Trend-ə verilən məlumata görə, yeniyetmələr proqramında ölkəmizi təmsil edən Samirə Qəhrəmanova öz həmyaşıdları arasında uğurlu çıxışı ilə fərlənib. Belə ki, gimnastımız dayaqlı tullanma proqramında 12.450 xal toplayaraq turnirin bürünc mükafatına layiq görülüb.
Çoxnövçülükdə isə təmsilçimiz 21 iştirakçı arasında 6-cı yerdə qərarlaşıb.