Bakı. Trend:
Niderland Super Kuboku çərçivəsində PSV ilə "Ayaks" klubları qarşılaşıb.
Trend-in məlumatına görə, Amsterdamda yerləşən "Yohan Kroyf Arena"da keçirilən görüş PSV-nin 4:0 hesablı qələbəsi ilə yekunlaşıb.
Oyunda qolları Noni Madueke (2-ci və 29-cu dəqiqələr), Yorbe Vertessen (76) və Mario Götze (89) vurublar.
Bu qələbə sayəsində PSV 12-ci dəfə Niderland Super Kubokunun qalibi olub.