Bakı. Trend:
Azərbaycan üzgüçüsü Paralimpiya Oyunlarında ikinci qızıl medalını qazanıb.
Trend-in məlumatına görə, Azərbaycan üzgüçüsü Roman Saley Tokio-2020 Yay Paralimpiya Oyunlarında ikinci qızıl medalını qazanıb.
İdmançımız sərbəst üsulla 100 metr üzməkdə 1-ci yerə yiyələnib. O, daha öncə 100 m məsafəyə arxası üstə üzməkdə qalib gəlmişdi.
Bununla da Azərbaycan yığmasının qızıl medallarının sayı 10-a çatıb.
