Bakı.
Məşhur sovet və Rusiya şahmatçısı, 12-ci dünya çempionu Anatoli Karpov "Dünya çempionu" filminin təqdimatı üçün Bakıya gələcək.
Trend-in məlumatına görə, bunu bu gün şahmatçı özü TASS agentliyinə açıqlamasında deyib.
O qeyd edib ki, filmin Bakıdakı təqdimatı oktyabrın 26-da keçiriləcək.
Şahmatçı bildirib ki, bundan əvvəl filmin İsveçrədə təqdimatı keçirilsə də, ona viza verilmədiyi üçün tədbirdə iştirak edə bilməyib. Bundan başqa, filmin təqdimatı həm də İtaliyada olub.
2021-ci ildə rejissor Aleksey Sidorov tərəfindən çəkilmiş "Dünya çempionu" filmi Anatoli Karpovun 1978-ci ildə Viktor Korçnoyla dünya çempionluğu uğrunda matçı haqqında bəhs edir.