Bakı. Trend:
İngiltərə Premyer Liqasının 37-ci turu çərçivəsində "Nyukasl" öz meydanında "Lester"i qəbul edib.
Trend xəbər verir ki, oyun 0:0 hesablı heç-heçə ilə bitib.
37 turdan sonra "Nyukasl" xallarının sayını 70-ə çatdırıb və turnir cədvəlində üçüncü yerdədir. Çempionatın yekunlaşmasına 1 tur qalmış beşinci yerdə olan "Liverpul"u 4 xal qabaqlayır, bununla da klub ilk dördlükdə öz yerini təmin etmiş sayılır.
"Nyukasl" 20 ildir ki, Çempionlar Liqasına vəsiqə qazana bilmirdi. Sonuncu dəfə klub Çempionlar Liqasının qrup mərhələsində 2002/2003 mövsümündə çıxış edib.
Avrokuboklara gəlincə, “Nyukasl” sonuncu dəfə 2012/2013 mövsümündə Avropa Liqasında iştirak edib.