Bakı. Trend:
Niderland futbol komandasının sabiq qapıçısı Edvin van der Sar reanimasiyaya düşüb.
Trend-in məlumatına görə, bu barədə "Ayaks" futbol klubunun mətbuat xidməti bildirib.
"Cümə günü Edvin van der Sar beyin qanaması keçirdi. Hazırda o, xəstəxananın reanimasiya şöbəsindədir, vəziyyəti stabildir", - deyə qeyd olunub.
Mətbuat xidmətindən bildiriblər ki, daha konkret məlumat əldə olunan kimi xəbər veriləcək.