Bakı. Trend:
Farer adalarını təmsil "Klaksvik" futbol klubu Çempionlar Liqasının II təsnifat mərhələsinin cavab oyununda İsveçin "Haken"ini səfərdə penaltilər seriyasında məğlub edib.
Trend-in məlumatına görə, görüş İsveçin Göteborq şəhərində keçirilib.
Matçın əsas və əlavə vaxtından sonra 3:3 hesabı qeydə alınıb, penaltilər seriyasında farerlilər qalib gəlib - 4:3. "Klaksvik"in heyətində qolları Arni Frederiksberg (17-ci və 53-cü dəqiqə), Sivert Qussias (109) vurub. “Haken”in heyətində Tobias Sana (24), Amor Layuni (48), İbrahim Sadiq (106) fərqlənib. İlk görüş 0:0 hesabı ilə başa çatıb.
“Klaksvik” Avropa kuboklarının qrup mərhələsində iştirakını təmin edib. Əgər komanda Çempionlar Liqasının üçüncü təsnifat mərhələsindən kənarlaşdırılarsa, o, turnirin qrup mərhələsinə yüksəlmək hüququ üçün Avropa Liqasının seçmə mərhələsinin pley-off mərhələsində oynayacaq. Bu mərhələdə məğlub olacağı təqdirdə "Klaksvik" Konfrans Liqasının qrup mərhələsində çıxış edəcək.
Komanda Farer adalarından avrokubokların qrup mərhələsində çıxış edən ilk klub olacaq.