Bakı. Trend:
Yeni mövsüm üçün transferlərini davam etdirən “Sumqayıt” heyətini daha bir futbolçu ilə gücləndirib.
Klubdan Trend-ə verilən məlumata görə, “gənclik şəhəri” təmsilçisi son olaraq Xorvatiyanın “Qoritsa” klubunda çıxış etmiş Nikola Vuynoviç ilə 1+2 illik müqavilə imzalayıb. 27 yaşlı hücumçu 9 nömrəli formada çıxış edəcək.
Qeyd edək ki, “Sumqayıt” bunadək Rəhim Sadıxov, Fernando Medeiros və Slavişa Radoviçin keçidini rəsmiləşdirib.