Paris. Trend:
Azərbaycanın yunan-Roma güləşçisi Sabah Şəriəti "Paris-2024" Yay Olimpiya Oyunlarında ikinci görüşünü keçirib.
Trend xəbər verir ki, 130 kiloqram çəki dərəcəsində çıxış edən idmançı 1/4 finalda qazaxıstanlı Alimxan Sızdikov ilə üz-üzə gəlib.
Rəqibini 4:0 hesabı ilə məğlub edən güləşçimiz adını yarımfinala yazdırıb.
S.Şəriəti 1/8 finalda estoniyalı Heyki Nabiyə qalib gəlib.
Azərbaycanın yunan-Roma güləşçisi Murad Məmmədov isə (60 kiloqram) "Paris-2024" Yay Olimpiya Oyunlarında çıxışını başa vurub.
Buna idmançının 1/8 finalda uduzduğu ekvadorlu Rayber Joze Rodriges Oroskonun finala yüksələ bilməməsi səbəb olub.
Orosko 1/4 finalda məğlub olduğu üçün M.Məmmədov bürünc medal uğrunda təsəlliverici görüşlərə qatılmaq şansını itirib.
xxx
18:02
Azərbaycanın yunan-Roma güləşçisi Murad Məmmədov Fransanın paytaxtı Parisdə keçirilən Yay Olimpiya Oyunlarında mübarizəyə başlayıb.
Trend xəbər verir ki, 60 kq çəki dərəcəsində çıxış edən idmançımız Venesueladan olan Rayber Joze Rodriges Orosko ilə qarşılaşıb.
Murad Məmmədov rəqibinə məğlub olub.
xxx
17:36
Paris-2024 Yay Olimpiya Oyunları davam edir.
Trend İdman.biz-ə istinadən xəbər verir ki, bu gün güləş yarışlarına start veriləcək.
İlk gündə yunan-Roma güləşçiləri xalçaya çıxacaq. Azərbaycan millisinin iki pəhləvanı da Olimpiadada mübarizəyə başlayacaq. Qarşılaşmalara Bakı vaxtı ilə saat 17:00-da start veriləcək.
Yunan-Roma güləşi
60 kq
Murad Məmmədov 1/8 final görüşünə çıxacaq. O, Venesuela təmsilçisi
Rayber Xose Rodriges Orozko ilə qarşılaşacaq.
130 kq
Sabah Şəriəti də mübarizəyə 1/8 finaldan başlayıb. Pəhləvanımız
estoniyalı Heiki Nabi ilə üz-üzə gəlib. Görüş 1:1 hesabı ilə
yekunlaşsa da, Şəriəti sonuncu xal prinsipinə əsasən mərhələ
adlayıb.
Qeyd edək ki, Azərbaycan yunan-Roma güləşi yığması Paris-2024-də 5 idmançı ilə təmsil olunur.
