Bakı. Trend:
Almaniya 2-ci Bundesliqasında 19-cu turun oyunları davam edir.
Trend xəbər verir ki, Azərbaycan milli komandasının hücumçusu Mahir Emrelinin çıxış etdiyi "Nürnberq" səfərdə "Şalke" ilə qarşılaşıb. Oyun ev sahibi komandanın 3:1 hesablı qələbəsi ilə yekunlaşıb.
Mahir Emreli bu qarşılaşmada iştirak etməyib. 27 yaşlı hücumçu cəzalı vəziyyətdə olduğu üçün oyunu buraxmalı olub.
Hazırda "Nürnberq" 19 turdan sonra topladığı 25 xalla turnir cədvəlinin 12-ci pilləsində yer alır.