Bakı. Trend:
Rusiyanın Kazan şəhərində təşkil olunan "East Cup Kazan" beynəlxalq futbol turniri başa çatıb.
Trend xəbər verir ki, Azərbaycanın “Sabah” klubunun U-10 komandası finalda meydan sahibi “Rubin” (Kazan) komandası ilə qarşılaşıb. Gərgin keçən qarşılaşmada "Sabah" 3:4 hesabı ilə məğlub olub və turnirin gümüş medalına sahib çıxıb.
Komandaya baş məşqçi Məhərrəm Müslümzadə rəhbərlik edib. Turnirdə fərdi mükafata da layiq görülən "Sabah"ın futbolçusu Muronur Əlili yarışın ən yaxşı oyunçusu seçilib.