Bakı.Trend:
Tərtərdə traktorla minik maşını toqquşub bir nəfər xəsarət alıb.
Trend-in yerli müxbirinin xəbərinə görə, yol nəqliyyat hadisəsi ötən gecə Yevlax Ağdam Laçın magistral yolunun Tərtər rayon Köçərli kəndi ərazisində keçən hissəsində baş verib.
Belə ki, 1983-cü il təvəllüdlü Rüfət Musayev idarə etdiyi "Traktor" la hərəkətdə olarkən 1982-ci il təvəllüdlü Səxavət Həsənov "KİA" markalı avtomobillə idarəetməni itirərək traktorun qoşqusuna çırpılıb. Nəticədə minik avtomobilinin sürücüsü S.Həsənov ağır xəsarət alaraq Bərdə Diaqnostika Mərkəzinə çatdırılıb.
Faktla bağlı araşdırma aparılır