Bakı. Trend:
Qarışıq döyüş növləri (MMA) üzrə slovakiyalı döyüşçü Pavol Vasko Çexiyada keçirilən turnir zamanı döyüş əsnasında çexiyalı Vatslav Mikulasekin qulağını dişləyib.
Trend bu barədə xarici KİV-ə istinadən xəbər verir.
Məlumata görə, hadisə döyüşün başlamasından bir neçə saniyə sonra baş verib. Bir müddət sonra Pavol oktagonun hüdudlarından kənara çıxıb və orada tamaşaçıların hücumuna məruz qalıb. Zalda olan şəxslərdən biri döyüşçüyə stul atıb və stul onun başına dəyib. Nəticədə slovakiyalı idmançı arenanı tələsik şəkildə tərk etmək məcburiyyətində qalıb.
Vasko ilə Mikulasek arasındakı qarşılaşma Çexiyada keçirilən turnirin əsas döyüşü olub. Qulaq dişləmə hadisəsindən sonra slovakiyalı döyüşçü diskvalifikasiya edilib.
