Bakı. Trend:
“Liverpul” klubu mövsümün əvvəlində Almaniyanın “Bayer” klubuna satdığı Carell Kuansanı yenidən heyətinə qatmaq istəyir.
Trend xəbər verir ki, klublar arasında əldə olunan razılaşmaya əsasən, İngiltərə çempionu 2027-ci ilin yayında 23 yaşlı mərkəz müdafiəçisini geri almaq hüququna malikdir.
Bildirilir ki, “Liverpul”un bu hüquqdan istifadə edəcəyi gözlənilir.
Qeyd edək ki, Carell Kuansa cari mövsümdə “Bayer”in heyətində keçirdiyi 28 oyunda 2 qola imza atıb.