Bakı. Trend:
"Roma" ilə müqaviləsi yayda başa çatacaq Zeki Çelik klubu tərk edəcək.
Trend xəbər verir ki, bu barədə "La Stampa" məlumat yayıb.
Məlumata görə, "Roma" Zekinin illik 4 milyon avro maaş tələbini qəbul etməyib və tərəflər razılığa gələ bilməyiblər. 29 yaşlı sağ cinah müdafiəçisinin karyerasını Juventusda davam etdirəcəyi bildirilir. "Ağ-qaralar" yayda azad agent statusunda olacaq təcrübəli oyunçu ilə artıq razılıq əldə edib.
Qeyd edək ki, "Roma" Zeki Çeliki 2022-ci ilin yayında Lilledən 7,4 milyon avroya transfer edib. Türkiyə millisinin üzvü bu mövsüm "canavarlar"ın heyətində 31 rəsmi matçda 1 qol və 4 məhsuldar ötürmə ilə yadda qalıb.