Bakı. Trend:
Azər Türk Bankın “Sizinlə Gələcək” kampaniyası davam edir. Bankdan Trend-ə verilən məlumata görə, artıq xaricdə təhsil alan bir çox tələbələr bu kampaniyanın imkanlarından yararlanmaqdadırlar.
“Sizinlə Gələcək” kampaniyasına 04.07.2016-cı il tarixində start verilib. Sosial məsuliyyəti öz fəaliyyətində ön planda tutan Azər Türk Bankın bu kampaniyanı həyata keçirməkdə məqsədi xarici ölkələrdə təhsil alan gənclərimizə dəstək olmaq, gələcəyimiz olan gənclərin təhsil aldıqları müddətdə onların təhsil həyatında rol oynamaqdır. Kampaniya çərçivəsində tələbə biletini və ya xarici universitetdə oxuduğuna dair hər hansı rəsmi sənədi təqdim edən müştəriyə pulsuz MasterCard Standart kartı hədiyyə edilir.
İqtisadiyyatın real sektoruna maliyyə dəstəyinin verilməsini özünün əsas missiyası kimi müəyyənləşdirmiş “Azər-Türk Bank” ASC-nin səhmlərinin 75 faizi Azərbaycan dövlətinə məxsusdur. Bankın xidmət şəbəkəsi, məhsul və xidmətləri barədə daha ətraflı məlumatı www.azerturkbank.az saytından, sosial şəbəkələrdəki korporativ səhifələrindən, yaxud (012) 945 nömrəli Məlumat Mərkəzindən əldə etmək mümkündür.
Trend-in ən mühüm və maraqlı xəbərlərini "Telegram"da izləyin
