...

Asiya İnkişaf Bankı Azərbaycan üzrə 2019-2023-cü illər üçün YENİ STRATEGİYA hazırlayır (FOTO)

İqtisadiyyat Materials 14 İyun 2018 15:14 (UTC +04:00)
İqtisadi İslahatların Təhlili və Kommunikasiya Mərkəzinin icraçı direktoru Vüsal Qasımlı Asiya İnkişaf Bankının (AİB) nümayəndələrini qəbul edib.
Asiya İnkişaf Bankı Azərbaycan üzrə 2019-2023-cü illər üçün YENİ STRATEGİYA hazırlayır (FOTO)

Bakı. Trend:

İqtisadi İslahatların Təhlili və Kommunikasiya Mərkəzinin icraçı direktoru Vüsal Qasımlı Asiya İnkişaf Bankının (AİB) nümayəndələrini qəbul edib.

Mərkəzdən Trend-ə verilən məlumata görə, AİB-in Azərbaycan Nümayəndəliyinin rəhbəri Nariman Mannapbekovun rəhbərlik etdiyi nümayəndə heyəti ilə AİB-in Azərbaycanda maliyyə və enerji sektorlarında icra olunan layihələri barədə geniş fikir mübadiləsi aparılıb. Həmçinin Azərbaycan üzrə 2019-2023-cü illərdə yeni hazırlanacaq Ölkə Tərəfdaşlığı Strategiyası üçün prioritet istiqamətlər müzakirə edilib.

Qarşılıqlı fikir mübadiləsi zamanı, AİB tərəfindən növbəti 5 il müddətinə Azərbaycanda icra olunacaq kredit layihələri və texniki yardım dəstəyinin ölkənin prioritetlərinə və Strateji Yol Xəritələrinin istiqamətlərinə uyğun müəyyən edilməsi üçün fokuslanmalı sahələr və sektorlardan danışılıb. Eyni zamanda KOS sahəsində tənzimləmənin qiymətləndirilməsi, nou-hau, innovasiya texnoloji transfer sahəsində gələcək əməkdaşlıq imkanları müzakirə edilib.

Görüşdə Prezident İlham Əliyevin rəhbərliyi ilə aparılan iqtisadi islahatlar nəticəsində əldə edilən makroiqtisadi sabitlik və davamlı iqtisadi inkişaf xüsusi vurğulanıb.

İİTKM-in Layihələr departamentinin rəhbəri vəzifəsini icra edən Rəşad Hüseynov və strateji təhlil və planlaşdırma meneceri Vüsalə Cəfərova da görüşdə iştirak ediblər.

Məqalədə:
Xəbər lenti

Xəbər lenti