...

Azərbaycanda “İnnovasiyalar evi” yaradılacaq

İqtisadiyyat Materials 11 Fevral 2019 12:05 (UTC +04:00)
Bu il Azərbaycanda “İnnovasiyalar evi”nin yaradılmasına başlanacaq
Azərbaycanda “İnnovasiyalar evi” yaradılacaq

Trend-i buradan izləyin

Bakı. Hüseyn Vəliyev - Trend:

Bu il Azərbaycanda “İnnovasiyalar evi”nin yaradılmasına başlanacaq.

Trend-in məlumatına görə, bunu "İnnovasiyalı inkişaf və iqtisadi islahatlar: əqli mülkiyyətin və texnologiyaların kommersiyalaşdırılmasının rolu" mövzusunda konfransda nəqliyyat, rabitə və yüksək texnologiyalar nazirinin müavini Elmir Vəlizadə deyib.

O bildirib ki, “İnnovasiyalar evi” hər kəs üçün faydalı olacaq, çünki burada biliklərin transferi mərkəzi fəaliyyət göstərəcək.

Nazir müavini hazırda “Hökumət buludu” texnologiyasının, "DATA mərkəzi"nin yaradılması, internetin inkişafı və tədris müəssisələrində yeni ixtisasların yaradılması üzrə reallaşdırılan layihələri də qeyd edib:

“Bu gün ölkə məlumatlar iqtisadiyyatına keçir. Davos forumunun hesabatlarından birində göstərildiyi kimi, hazırda təhsil alanların 65 faizi gələcəkdə bu gün mövcud olmayan ixtisaslar üzrə işləyəcək. Ona görə də təhsil sahəsində yeni ixtisaslar və texnologiyalar tətbiq etmək vacibdir”.

Məqalədə:
Xəbər lenti

Xəbər lenti