...

ƏƏSMN-in elektron xidmətlərinə 11,5 milyon müraciət qeydə alınıb

İqtisadiyyat Materials 27 Oktyabr 2021 11:42 (UTC +04:00)
ƏƏSMN-in elektron xidmətlərinə 11,5 milyon müraciət qeydə alınıb

Trend-i buradan izləyin

Bakı. Trend:

Əmək və Əhalinin Sosial Müdafiəsi Nazirliyinin elektron xidmətlərinə 2021-ci ilin yanvar-sentyabr aylarında 11,5 milyon müraciət qeydə alınıb.

Nazirlikdən Trend-ə verilən məlumata görə, müraciətlər üzrə əmək münasibətləri, məşğulluq, sosial müdafiə və sosial təminat, sosial sığorta, əlillik və reabilitasiya, övladlığagötürmə və s. üzrə vətəndaşlara xidmətlərin göstərilməsi təmin olunub.

Ümumilikdə Nazirlik üzrə 170 xidmətdən 105-i e-platforma üzərindən göstərilir. Bu e-xidmətlərin böyük hissəsi sosial təminat sahələri ilə bağlıdır. Həmçinin 44 e-xidmət proaktiv qaydada (şəxsin sosial təminat növünə hüququ yarandığı halda bu hüququn müraciət olunmadan və sənəd təqdim edilmədən avtomatik reallaşdırılması) xidmətlərin göstərilməsini təmin edir.

Hazırda qurumun fəaliyyət sahələri üzrə daha 56 xidmətin də elektronlaşdırılması üçün işlər aparılır. Onlardan 20-ə qədəri proaktiv xidmətlər olacaq.

Məqalədə:
Xəbər lenti

Xəbər lenti