...

Abşeron yarımadasının dayazsulu hissəsində ilk kəşfiyyat quyusu artıq qazılıb - bp

İqtisadiyyat Materials 24 Noyabr 2021 11:47 (UTC +04:00)
Abşeron yarımadasının dayazsulu hissəsində ilk kəşfiyyat quyusu artıq qazılıb - bp

Bakı. Ləman Zeynalova - Trend:

Abşeron yarımadasının dayazsulu hissəsində (SWAP) 2,3 min metr dərinliyində ilk kəşfiyyat quyusu artıq qazılıb.

Bu barədə Trend-ə "bp" şirkətindən bildiriblər.

"Qazma işləri plana uyğun davam edir. Şimal Xali perspektiv sahəsindəki quyunun qazılması 16 avqust 2021-ci ildə başlamışdı. Bu quyu layihə dərinliyinə çatan kimi əldə olunan məlumatlar analiz ediləcək. Uğurlu olacağı təqdirdə nəticələrin təsdiqlənməsi üçün qiymətləndirmə proqramı reallaşdırılacaq", - şirkətdən bildiriblər.

Qeyd edək ki, SWAP müqavilə sahəsi üç perspektiv zonanı əhatə edir. Ümumilikdə üç kəşfiyyat quyusunun qazılması planlaşdırılır: Şimal-şərq perspektiv zonasında NKX01, Cənub-şərq perspektiv zonasında QBDX01 və Qərb perspektiv zonasında BHEX01 kəşfiyyat quyusu.

SOCAR və BP 2014-cü ilin dekabrında Abşeron yarımadasının dayaz sularında potensial yataqların kəşfi və işlənməsi üzrə pay bölgüsü ilə bağlı saziş imzalayıblar.

(Tərcümə: Orxan Nəbiyev)

Məqalədə:
Xəbər lenti

Xəbər lenti