Bakı. Trend:
Bu gün Kiçik və Orta Biznesin İnkişafı Agentliyinin (KOBİA) İdarə Heyətinin sədri Orxan Məmmədov Müstəqil Sənayeçi və İş Adamları Dərnəyinin (MÜSİAD) Azərbaycanın İdarə Heyətinin sədri Rəşad Cabirli bu ilin noyabrında Türkiyədə keçiriləcək ,MÜSIAD EXPO – da Azərbaycan şirkətlərinin iştirakını müzakirə ediblər. Bu haqda Trend - ə MÜSİAD-dan daxil olan məlumatda bildirilib.
Görüş zamanı, Bakıda keçən ilin noyabrında 33 ölkədən 500-dən çox iş adamının iştirakı ilə keçirilən, İBF forumu da müzakirə edilib.
“ Bütün bunlarla yanaşı MÜSİAD və KOBİA arasında əməkdaşlığın
daimi eyni zamanda müntəzəm olması haqda tərəflər arasında
konsensus əldə edilib” - deyə MÜSİAD Azərbaycandan bildirilib.
Qeyd edək ki , MÜSİAD EXPO bu il noyabr ayında 2-5 tarixində
İstanbulda keçiriləcək. EXPO-da Türkiyə, dünyanın tanınmış
şirkətləri iştirak edəcək və eyni zamanda iş adamları arasında
qarşılıqlı görüşlər keçiriləcək.
Məlumat üçün bildirək ki, 2021-ci ilin noyabrında Kiçik və Orta
Biznesin İnkişafı Agentliyinin (KOBİA) və forumun təsisçisi olan
Türkiyənin Müstəqil Sənayeçi və İş Adamları Dərnəyinin (MÜSİAD)
təşkilatçılığı ilə Bakıda 25-ci Beynəlxalq Biznes Forumu (İBF -
İnternational Business Forum) keçirilib.