Bakı. Trend:
Türkiyə və Braziliya ikitərəfli ticarətin həcmini 10 milyard dollara çatdırmağı hədəfləyir.
Trend xəbər verir ki, bu barədə Türkiyənin xarici işlər naziri Mövlud Çavuşoğlu braziliyalı həmkarı Alberto Franko França ilə birgə mətbuat konfransında deyib.
Nazirin sözlərinə görə, tərəflər ticarət və investisiyaların artması ilə yanaşı, hərbi əməkdaşlığın, o cümlədən müdafiə sənayesi, eləcə də turizm, mədəniyyət və təhsil sahələrində əməkdaşlığın inkişafına üstünlük verirlər.
"Danışıqlar zamanı Türkiyə ilə Braziliya arasında iqtisadi, mədəni və sosial əlaqələrin gücləndirilməsinə kömək edəcək mühüm sazişlər imzalanıb", - M. Çavuşoğlu bildirib.