...

“FINCA Azerbaijan” 2021-ci ilin maliyyə hesabatını açıqladı

İqtisadiyyat Materials 26 May 2022 11:00
“FINCA Azerbaijan” 2021-ci ilin maliyyə hesabatını açıqladı

Trend-i buradan izləyin

Bakı. Trend:

“FINCA Azerbaijan” Qeyri Bank Kredit Təşkilatının illik maliyyə hesabatına əsasən, “FINCA Azerbaijan” QBKT 2021-ci il ərzində 2 milyon 612 min AZN məbləğində xalis mənfəət əldə etməklə, şirkətin son illər ərzində malik olduğu müsbət yönlü gəlirlilik tendensiyasını qoruyub saxlaya bilib.

2021-ci il ərzində “FINCA Azerbaijan” təşkilatı əksəriyyəti kənd yerlərində yaşayan müştərilərə 42 milyon AZN məbləğində yeni kreditlər təqdim edib və bununla da özünün kredit portfelini 62%-ə kimi artırıb. Ölkə üzrə müxtəlif bölgələrdə əlavə filialların yaradılması da biznesdəki bu artıma öz töhfəsini verib. “FINCA Azerbaijan” 2022-ci il ərzində də öz əməliyyatlarının effektivliyini artırmağa davam etməyi və cari ildə regional filialların sayını 22-dən 28-yə çatdırmağı planlaşdırır.

“FINCA Azerbaijan” 2021-ci il ərzində müştərilərlə yaxından işləyərək, onlara bizneslərini çətin mikro və makro iqtisadi şəraitə uyğunlaşdırmağa kömək etmişdir. Dünyada hökm sürən Covid-19 pandemiyası və Vətən müharibəsinin müştərilərin biznesinə mümkün təsirini azaltmaq üçün zərərçəkmiş sahibkarlara kreditlərin uyğun şərtlərlə restruktruzasiyası təklif edilib.

“FINCA Azerbaijan” haqqında

“FINCA Azerbaijan” məsuliyyətli maliyyələşmə sahəsində aparıcı mövqeyə malikdir və gəlirli biznes fəaliyyətlərini təşviq edən kredit məhsulları ilə ölkədə fəaliyyət göstərən kiçik sahibkarlara xidmətlər göstərir. Əsası 1998-ci ildə qoyulmuş “FINCA Azerbaijan” “FINCA Impact Finance” təşkilatına aid olan 18 bank və mikromaliyyələşmə institutu ilə 5 qitədə 2.8 milyon müştəriyə çatan qlobal şəbəkənin tərkibinə daxildir.

“FINCA Azerbaijan” fəaliyyəti haqqında ətraflı məlumat üçün https://finca.az/ saytına və ya rəsmi sosial media hesablarına müraciət edə bilərsiniz.

Məqalədə:
Xəbər lenti

Xəbər lenti