...

Azərbaycan və İndoneziya ticarət və turizm sahələrində əməkdaşlığı genişləndirəcək

İqtisadiyyat Materials 23 İyun 2022 20:30 (UTC +04:00)
Maryana Əhmədova
Maryana Əhmədova
Bütün xəbərlər

Bakı. Trend:

Azərbaycan və İndoneziya ticarət və turizm sahələrində əməkdaşlığın genişləndirilməsi barədə razılığa gəlib.

Trend-in məlumatına görə, bu barədə İndoneziya Xarici İşləri Nazirliyinin açıqlamasında deyilir.

Qeyd olunur ki, bu məsələ İndoneziya vitse-prezidenti Maaruf Amin və Azərbaycanın Cakartadakı səfiri Cəlal Mirzəyev arasındakı görüş zamanı müzakirə edilib.

Məlumata əsasən, tərəflər müsəlmanlara yönəlmiş halal turizm sahəsində əməkdaşlığı müzakirə edib. Həmçinin, halal məhsulun qarşılıqlı ticarət dövriyyəsinin artırılması nəzərdən keçirilib.

Vitse-prezident Azərbaycanla qeyri-neft sektorunda ticarət dövriyyəsinin artmasına ümidvar olduğunu bildirib.

Azərbaycan səfiri öz növbəsində beynəlxalq səviyyədə ölkəyə göstərilən dəstəyə görə İndoneziyaya təşəkker edib.

(Tərcümə: Orxan Nəbiyev)

Məqalədə:
Xəbər lenti

Xəbər lenti