Bakı. Trend:
Azərbaycanda ən populyar mobil cihazların adı bəlli olub.
Trend-in “Global Stats” Statistika Mərkəzindən əldə etdiyi məlumata görə, "Samsung" smartfonları bu ilin mart ayında mobil cihazlar üzrə 28,69 faiz bazar payı ilə Azərbaycanda liderliyini qoruyub.
Cari ilin fevral ayına olan göstərici ilə müqayisədə “Samsung”un Azərbaycanda bazar payı 0,32 faiz bənd azalıb.
Hesabat dövründə "Xiaomi"nin Azərbaycanda smartfonlar üzrə bazar payı 0,14 faiz bənd artaraq 23,76 faiz təşkil edib.
Siyahıda növbəti pillədə “Apple” qərarlaşıb. Belə ki, bu brendin Azərbaycanda smartfonlar üzrə bazar payı 0,4 faiz bəndi artaraq 19,09 faizə bərabər olub.
Bu ilin mart ayı üzrə digər smartfonların Azərbaycanda əhatə dairəsinə görə reytinqi aşağıdakı kimi müəyyənləşib:
“Honor” – 5,1 faiz (fevral ayına nisbətən 0,03 faiz çox);
“Huawei” – 1,44 faiz (fevral ayına nisbətən 0,15 faiz az);
“Oppo” – 0,99 faiz (fevral ayına nisbətən 0,17 faiz çox);
“Realme” – 0,74 faiz (fevral ayına nisbətən 0,03 faiz az);
“Infinix” – 0,89 faiz (fevral ayına nisbətən dəyişməz qalıb);
“Tecno” – 0,96 faiz (fevral ayına nisbətən 0,07 faiz az);
“Motorola” – 0,21 faiz (fevral ayına nisbətən 0,02 faiz az);
“LG” – 0,03 faiz (fevral ayına nisbətən 0,01 faiz az);
“Google” – 0,28 faiz (fevral ayına nisbətən 0,06 faiz çox);
“Lenovo” – 0,11 faiz (fevral ayına nisbətən dəyişməz qalıb);
Hesabat dövründə Azərbaycanın smartfon bazarında 0,47 faiz digər markaların payına düşüb.