Bakı. Trend:
2025-ci ildə Maliyyə Nazirliyi 150 hüquqi aktın layihəsini hazırlayıb.
Trend nazirliyə istinadən xəbər verir ki, hazırlanan hüquqi akt layihələrindən 45-i təsdiqlənib.
Belə ki, ötən il ərzində hazırlanmış hüquqi akt layihələrinin 43-ü qanun, 50-si prezident fərmanı, 9-u Nazirlər Kabinetinin qərarı, 4-ü prezident sərəncamı, 40-ı Nazirlər Kabinetinin sərəncamı, 4-ü isə nazirliyin kollegiya qərarı olub.
Bundan başqa, 2025-ci idə Maliyyə Nazirliyinə 1248 hüquqi aktın layihəsi daxil olub. Məlumata görə, bunun da 1002-nə hüquqi rəy verilib, 246-nı isə nazirliyin rəhbərliyi vizalayıb.