Azərbaycan, Bakı/ Trend müxbir İ.Xəlilova/ Azərbaycan Dövlət Gömrük Komitəsi (DGK) hazırda ölkədə sayı doqquz olan lisenziyalaşdırılmış gömrük brokerlərinin siyahısını genişləndirməkdən imtina edir. Bu barədə DGK sədri Aydın Əliyev məlumat verib.
"Bu gün üçün gömrük brokeri xidməti göstərən şirkət və brokerlərin sayı kifayət qədərdir" -deyə Əliyev bildirib. Onun fikrincə, şirkətlərin lisenziyalaşdırılması çox çətin prosedurdur. Gömrük brokeri institutunun yaradılması üçün onun mütəxəssisləri təlim keçməlidirlər və xarici iqtisadi fəaliyyətin ticarət nomeklaturası barədə tam məlumatlı olmalıdırlar.
Sonra isə tərkibində bu gömrük mütəxəssislərinin təmsil olunduğu təşkilat lisenziya alınması üçün lazımı tələbləri yerinə yetirmək üçün müraciət edir.
Gömrük brokeri nəqliyyat və gömrük xidmətlərinin tam kompleksini, həmçinin xarici iqtisadi əməliyyatlar üzrə ixrac-idxal əməliyyatlarını həyata keçirir.