Azərbaycan, Bakı/ Trend / Aqrolizinq ASC avadanlıq alınması üçün təkliflər sorğusu elan edib. SC-dən bildirilib ki, təkliflər dörd lotdan ibarətdir - (I) 20 ton məhsuldarlığı olan süd emalı zavodu, (II) qarışıq yem istehsal edən 6 ədəd zavod üçün texnoloji avadanlıqların alınması, (III) 5 ton məhsuldarlığı olan 2 süd zavodu, (IV) 3 ton məhsuldarlığı olan zavod üçün avadanlıq alınması.
Maraqlı şirkətlər I lot üzrə - 250 manat, II-IV lot üzrə 200 manat, III lot üzrə 400 manat iştirak haqqını ödəməklə, noyabrın 5-nə qədər təkliflərini təqdim edə bilərlər.
Tender təkliflərinin açılışı noyabrın 6-da baş tutacaq.
Qaliblər avadanlıqların alınması üçün müqavilə bağlanıldıqdan sonra, 120 gün ərzində "Aqrolizinq" ASC-nin müəyyən etdiyi istifadəçiyə tam quraşdırılmış vəziyyətdə təhvil verməlidirlər.
"Aqrolizinq" ASC 23 oktyabr 2004-cü ildə Azərbaycan prezidenti İlham Əliyevin sərəncamı ilə yaradılıb. Qurumun fəaliyyəti aqrar sahənin yaxşılaşdırılması və yerli torpaq sahiblərinə müxtəlif kənd təsərrüfatı texnikası alınaraq, lizinqə verilməsi yolu ilə ölkədə sahibkarlığa yardıma yönəlib. ASC-nin , 9 regional aqroservis təchizat bazası və işğal olunmuş ərazilər istisna olmaqla, Azərbaycanın bütün ərazisi üzrə 57 aqroservis filialı var.
