Azərbaycan, Bakı / Trend müxbir Ü.İsmayılova/ Cümə günü "Caspian Property Services" qiymətləndirmə şirkətindən verilən məlumata görə, Bakının mərkəzində 16 mərtəbəli binanın uçmasından sonra şəhərin daşınmaz əmlak bazarının ilkin bazarında satışın həcmi noyabrın ortalarında 10% artıb.
Avqustun 28-də Bakının mərkəzi küçələrindən birində tikilməkdə olan 16 mərtəbəli bina uçub, nəticədə 25 nəfər həlak olub. Ekspertlər bildirir ki, binanın uçmasının səbəbi keyfiyyətsiz tikinti materiallarından istifadə olunması və texniki təhlükəsizlik qaydadarının pozulmasıdır.
Şirkətdən verilən məlumata görə, binanın uçmasından sonra əhali şok keçirib və artıq yeni tikililərə etibar etmədiyi üçün həmin binalardan mənzillər almayıb.
Noyabr ayında şəhərin mərkəzində yeni tikilinin bir kvadrat metrinin qiyməti 1500-3000 dollar təşkil edib. Şəhərin ətrafında 650-1200 dollar, şəhərdən kənarda isə 500-650 dollar təşkil edib.
"Daşınmaz əmlak bazarının iştirakçıları" İctimai Birliyinin məlumatına görə, avqust ayında binanın uçmasına qədər mənzilin bir kvadrat metrinin orta qiyməti şəhər üzrə 1027 dollar təşkil edib.
