Azərbaycan, Bakı / Trend , müxbir U.İsmayılova/ Noyabrda Bakıda fərdi evlərin orta qiyməti 0,9 faiz artaraq bir ev üçün 230323 dollar və ya bir kvadrat metrə 2113 dollar təşkil edib. Bu barədə "Daşınmaz əmlak bazarının iştirakçıları" İctimai Birliyinin çərşənbə axşamı yayılan məlumatında bildirilir. Qiymət artımı əsasən torpaq və tikinti materialları bazarında qiymətlərin artması səbəbindən baş verib.
Noyabrda torpaq bazarında qiymət göstəricisi 1,8 faiz artaraq bir sot üçün 23306 dollar təşkil edib.
Kommersiya sahələri bazarında noyabrda qiymətlər oktyabra nisbətdə 0,1 faiz artıb və bir kvadrat metr üçün 273 dollar təşkil edib.
