Azərbaycan sahibkarlığın inkişafı üçün KfW-in üçüncü güzəştli kreditini almağa hazırdır
Azərbaycan, Bakı/ Trend , müxbir İ.Xəlilova/ Azərbaycan hökuməti Alman-Azərbaycan Fondu üçün Alman Yenidənqurma bankı KfW-dən 5 mln. avro məbləğində üçüncü güzəştli kreditin alınmasına razılıq verib. Kredit kiçik və orta sahibkarlığa dəstək proqramı çərçivəsində təqdim edilir. Bu barədə çərşənbə günü Nazirlər Kabinetindən məlumat veriblər. Bank AAF-nin menecerinin-Beynəlxalq əməkdaşlıq üzrə Əmanət kassaları Fondu (SBFİC) xidmətlərinin haqqının ödənilməsi fondunun idarəsi üçün qrant şəklində, əlavə olaraq, 1 mln. avro ayırır. İqtisadi İnkişaf Nazirliyi bu kreditin Sahibkarlığın Milli İnkişaf Fondu (SMİF) vasitəsilə cəlb edilməsini təklif etsə də, hökumət bundan imtina edib. Dövlət başçısının təsdiqinə verilən Hökumətlərarası maliyyə razılaşması AAF üçün güzəştli kreditin alınmasını nəzərdə tutur. İlkin olaraq KfW sahibkarlığın inkişafı üçün Azərbaycana 20 mln. avro möhkəmləndirilmiş kredit təklif edib. Bu məbləğin 5 mln. Avrosunun, əvvəllər olduğu kimi, yumşaq şərtlərlə bankın öz vəsaitləri hesabına -10 illik möhlətlə 40 il və illik 0.75 faizlə verilməsi nəzərdə tutulub. Kreditin digər vəsaitləri KfW tərəfindən kapital bazarında alınmalıydı və buna görə bu kreditlərin şərtləri kommersiya xarakterli olacaq. Azərbaycan hökuməti kreditin kommersiya hissəsindən imtina edib. 1999-cu ildən alman bankı AAF-ə iki tranşla 8.7 mln. avro təqdim edib. Vəsaitin mənimsənilməsi başa çatıb və hazırda bankların maliyyələşdirilməsi revolver hesabından həyata keçirilir. Bu vəsaitləri, KfW-nin növbəti krediti və fondun fəaliyyətə başladığı 2007-ci il oktyabrın 1-dən əldə etdiyi 1.8 mln. avro nəzərə alınmaqla, AAF-nin sərəncamında 15.5 mln. avro olacaq. 2001-ci ilin martından Bank of Baku və UniBank, 2003-cü ilin yanvarından Parabank və bank "Respublika", 2004-cü ilin sentyabrından Azərdəmiryolbank və Azəriqazbank,2006-cı ilin dekabrından isə, Rabitəbank və Muğanbank AAF-nin tərəfdaşlarıdır.
